الرئيسية » آراء ومقالات » بول البعير عند الخليجيين أو أكل الصراصير عند الصينيين أيهما أصح؟

بول البعير عند الخليجيين أو أكل الصراصير عند الصينيين أيهما أصح؟

في الحياة ماكينش قاعدة مشتركة بين كل البشر، والغير مقبول هنا محبوب في مكان أخر، آو كيدخل ضمن المقدسات والعادات اليومية لشعب في الطرف الأخر من الكرة الأرضية، مثلا، ملي تتكلم على ” البلاك ايفوري” لي هو نوع من القهوة المصنوعة من روث الفيلة في تايلاند، وهي قهوة باهضة الثمن وتقريباً هي الأغلى سعراً في العالم، أو جعة PIS NER الدانمركية لي كتصنع من البول البشري(اعزكم الله) … تقول لشخص عربي بسيط هذا الكلام تجيه عجب.

أو ملي تقول له أن الصينين يأكلون الدود، والصراصير، وحساء الخفافيش، وفيهم لي كيسلق البيض في بول بشري( اعزكم الله)، غادي قول لك يعععع تفوووو اش هادشي، وغادي يسكت، بدون مايدير مجهود يتبين أو يدخل في النقاش وواش داكشي صحي ولا لا أو ينتقد بشدة ويبقي يوصف الصينين بأوصاف خايبة.

لكن ملي يسمع شخص عربي بحالوا خصوصاً إلا عندوا الطابع الديني قال أن بول البعير مفيد للجهاز الهضمي، غادي ينوض يجبد ديك الاسطوانة لي ولات عندنا بزااف ديال هذا تخلف وجهل و..و…الخ، بدون ما يكلف نفسوا عناء البحث عن الحقيقة وشوف واش فعلا تدارت دراسات حول الموضوع، وهل هذا الكلام مثبت علمياً آم انه مجرد ترهات، أو على الأقل يقول الله واعلم ويحترم الناس لي كيأمنو بهادشي، كيف ما كيأمن بان الصينيين تياكلو الحشرات وصحتهم زي الفل وأحس منو كمان، ويحترم لي تيشرب قهوة روث الفيل أو بيرا PIS NER بزبالة ديال لفلوس.

أنا ما كنأييد لا أصحاب الحشرات في الصين، ولا البعير في السعودية، علماً أن بول البعير الموصى به، هو نوع من الإبل كيتربى في ظروف خاصة، ويأكل أكل خاص لهذا الغرض …. لكن أفضل شيء هو أننا نتعلموا نحترمو الأخر ونحيدوا معيار المنطق والغير مقبول في الحكم على معتقدات الناس فيما يخص الممارسات الدينية وعادات الأكل اليومية وكل شيئ، والا بغيت ننتقذ خاص ذلك قبل البحث عن الحقيقة من مصادر مختلفة ومناقشتها باسلوب راقي …

توفيق البوزكري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *