الدكتور معتوق يطالب وزير الصحة بفتح تحقيق عاجل في وفاة صلاح الدين الغماري

هادشي خطير
الدكتور معتوق يطالب وزير الصحة بفتح تحقيق عاجل في وفاة صلاح الدين الغماري ، كما يطالب رفع دعوة قضائية على وزارة الصحة بتهمة الإهمال و القتل الغير العمد..

الدكتور معتوق صرح ان المرحوم جاه ضيق تنفس و أزمة قلبية طاح مغمى عليه ، لكن تدخل طبيب جاره دار ليه الأسعافات الأولية massage cardiaque و تنفس اصطناعي bouche à bouche ، القلب بقا خدام في انتظار سيارة الأسغاف لي تعطلت نصف ساعة كاملة.

فاش جات سيارة الإسعاف لقاو القرعة خاوية من الاوكسجين و السيد كيموت خصو الاوكسجين ، تسناو سيارة إسعاف ثانية و فاش جات الثانية لقاو في القرعة الاوكسجين فيها غا شوية ، رغم دالك طلعوه و دارو ليه هداك الشوية و داوه لأحدى المصحات..

فهاد الوقت صلاح الدين الغماري باقي عايش، لكن للأسف في المصحة مالقاوش ليه بلاصة ، مشاو يقلبو على مصحة ثانية .

و في طريقهم لمصحة اخرى مول الأمانة دا امانتو.

الدكتور معتوق قال أنه بحث على سيارة الإسعاف لي جات لمن تابعة و لقاها ديال وزارة الصحة ماشي ديال الوقاية المدنية لي من سابع المستحيلات تخرج بدون أوكسجين من الثكنة حسب القوانين الداخلية للثكنات.
وزارة الصحة مسؤولة و يجب تحديد المسؤوليات و الاشخاص الدين يتلاعبون بحياة المواطن ، سواء صلاح الدين الغماري او اي مواطن مغربي ..
حنا مؤمنين بقدر الله ولكن ايلا كان هادشي وقع بصح ، ف هاد الناس خاصهوم يتحاكمو وينالو أقصى العقوبات حيت تسببو للمغاربة فكارثة حقيقية و حزن عميق ماشي ساهل و ماشي يامات وغيمشي..
#المصدر : تصريح للدكتور معتوق لراديو أصوات.

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *